3-5-17

तो Ventilator  सिनेमा पहिला . त्यात तो हिरो आपल्या वडिलांना खूप मोठ्या हॉस्पिटल मध्ये ऍडमिट करतो . ते सिरीयस असतात .त्याला कोणी तरी विचारतं " कशाच्या जोरावर तू ऍडमिट केलंस ? बिल कोण भरणार ? 

त्यावर उत्तर असतं " त्यांनी एवढं केलं , आता त्यांच्या साठी नको का करायला ?

त्याचे श्रीमंत नातेवाईक येऊन बिल भरतात आणि पेशंट पण बरा होतो . 

पण दर वेळेला असं होत नाही , पेशंट कधी कधी रिस्पॉन्स  देत नाही आणि मृत्यू  होतो पण एवढे दिवस ICU मध्ये ऍडमिट असतो त्याचं बिल अफाट होतं . म्हणजे खर्च खूप आणि हातात डेड बॉडी .  लोकांची चिडचिड , संताप होणं स्वाभाविक आहे . मग ह्याला उपाय काय आहे ?

आता ती ५०० किलो वजनाची पेशंट त्या डॉक्टर लोकांनी घेतली  , ३०० किलो वजन कमी पण झाले पण जायच्या वेळेला तिच्या बहिणीने  भांडण काढलं . हे नेहेमीच घडतं . 

मेडिकल जगात खूपच प्रगती झाली आहे , कुठले कुठले पेशंट बरे होऊन घरी जातात , म्हातारी माणसे ८०+, ९०+ पण घरी जातात , ऑपरेशन्स तर अफाटच होत असतात , हल्ली accident चे पेशंट खूप असतात , मIर पण जबरी लागलेला असतो . ह्या लोकांना बरं करायचं म्हणजे खूप दिवस लागतात , खूप शक्ती , ज्ञान लागतं , वेगवेगळे specialist लागतात . खर्च अफाट होतो. 

बरेच पेशंट घरी खूप दिवस आजारी , बेड वर पडून असतात , त्यांची शेवटची घरघर सुरु झाली कि नातेवाईक त्यांना हॉस्पिटल मध्ये हलवतात  आणि पेशंट काही तासातच जातो . मग बिल करू नये अशी अपेक्षा असते , केलं  कि भांडण . 

आजकाल किडनी खराब असलेले लोक खूपच आहेत , त्यांना डायलिसिस लागतं , तो वारंवार खर्च होतो , काही लहान मुलांना वारंवार रक्त द्यावं लागतं . 

कॅन्सरचे प्रमाण खूपच वाढले आहे , ट्रीटमेंट पण आहे पण पैसा  खूप लागतो .. 

नातेवाईक रडकुंडीला येतात . 

काय करावे ?

Insurance हा उपाय आहे का ? म्हातारी माणसे जास्त आजारी पडतात , त्यांचा इन्शुरन्स असतो का ?

Insurance claim पास करायच्या आधी  ते एजन्ट आणि ते लोक खूप queries काढतात , त्यांना नुकसानच आहे क्लेम पास झाला तर , ते त्यांच्यापरीने क्लेम कसा पास होणार नाही हे पाहतात . 

काय उपाय आहे ह्या सगळ्याला ?