बऱ्याच लोकांना इंग्रजी बोलण्याची भीती वाटते , येत असतं पण चुकेल का ? आपल्याला हसतील का ? असंच वाटत राहतं म्हणून मग ते येत असून पण बोलत नाहीत .

आम्ही बराच tourism केलं आहे , बहुतेक वेळेला मराठी group बरोबर . तिथे जेवण मराठी , बोलणं चालणं मराठीच .

पण एकदा एका International tour company बरोबर गेलो होतो . तिथे वेगवेगळ्या प्रांताचे , भाषेचे लोक होते . गुजराथी , south Indian , North Indian . सगळे ठोकून इंग्लिश बोलायचे , न भिता . गुजराथी गुजराथीतून बोलायचे ,South Indian त्यांचा हे...ल काढून बोलायचे . North Indian - ते दिल्लीचे होते , ते तर जाम जोर लाऊन बोलायचे . कुणाचेच इंग्लिश perfect नव्हतं पण बोलायचे .

आजीबात घाबरायचं नाही , बोलायचं , चुकलं तर कोणी पकडून नेत नाही .

आधी आजूबाजूच्या लोकांवरच practice करायची . आपोआप हळूहळू सहजपणा येत जातो .

कुणीतरी चांगलं इंग्लिश बोलणारं सापडतच त्यांचं बोलणं ऐकायचं , तसं बोलायचं

आपली मायबोली आपली आई आहे , दुसरी भाषा आल्याने तिचा सन्मान कमी होत नाही .

दडपण ठेवायचेच नाही . बाकी सगळी हुशारी फक्त बोलता येत नाही म्हणून मागे नाही पडायचं .