कल्याणमध्ये एक छान कॉफीशॉप झालंय , आम्ही कधीकधी तिथे जाऊन बसतो . सगळे यंग लोक असतात . छान वाटतं यांच्याकडे बघून . त्यांचे कपडे , hairstyles , fashion बघून मस्त वाटतं . कधी काळी आपण पण असेच होतो .
तर असेच आम्ही मध्ये तिथे जाऊन बसलो . नवरा कुठली कॉफी घ्यावी हे बघत बसला होता ( हल्ली खूपच variety झाली आहे ) मी इकडे तिकडे बघत होते .
आमच्या उजव्या बाजूला एक जोडपं होता आणि डाव्या बाजूला एक . उजव्या बाजूचे जोडपे म्हणजे एकमेकांशी किती बोलू आणि किती नको ,असे , अगदी उधाण आलं होतं . एकंच कॉफी मागवली , दोघं अर्धी अर्धी प्यायले , खूपंच खुश होते एकमेकांवर .
डावीकडचे अगदी उलट , दोघंही थोडे थकलेले , कंटाळलेले , गप्प , दोघांनी वेगळं वेगळं मागवलं आणि आपापल्या मोबाईल मध्ये डोकं खुपसून बसले . ह्यांचं म्हणजे एकमेकांशी सगळं बोलून झालं होतं किंवा काही बोलायचं नव्हतं किंवा एखादं भांडण पण झालं असावं .
म्हटलं हि उजवीकडे आधीची stage आणि डावीकडे नंतरची . आधीच उन्माद आणि उत्साह नंतर कमी होतो .
Share market च्या भाषेत बोलायचं झालं तर 'मार्केट डाउन ' होतं . तंव्हा कसं म्हणतात ? correction आहे किंवा "ये तो होता रहता है " , किंवा अभी investment opportunity है . Mutual fund मध्ये इन्व्हेस्ट करा , लॉन्ग टर्म बेनेफिट मिळतोच . वरखाली तर होतंच राहणार . SIP करा .
नवीन पिढीला या भाषेत समजावून सांगितलेले कळेल , mutual फंडांवर विश्वास करता तास एकमेकांवर करा , longterm benefit मिळतो , आणि मार्केट डाउन असताना कसं पुन्हा इन्व्हेस्ट करता तसं ताणतणाव असताना एकमेकांमध्ये इन्व्हेस्ट करा ,समजजून घ्या अशा वेळेला खरं म्हणजे दोघांना एकमेकांची जास्त गरज असते .
Happy वटपौर्णिमा !!
आज आमच्याकडे वऱ्याची खिचडी , दाण्याची आमटी , उपासाची बटाट्याची भाजी , कैरी घालून नारळाची चटणी , ताक असा मेनू आहे .
माझ्यापेक्षा नवऱ्यालाच जास्त इंटरेस्ट आहे .
Celebrating वटपौर्णिमा .
No comments:
Post a Comment