12-6-16

आपले मोदीसाहेब परदेशात प्रवास करताना विमानातच राहतात असे ऐकले , त्यांची कारणं काही असोत पण आपण प्रवास करतो तेच वाहन आपलं घर ही कल्पना मस्त आहे शाहरुख खान पण स्वदेस सिनेमात अशाच एका बस मध्ये राहतो .
सुटसुटीत आहे , पुन्हा हॉटेलचा खर्च नाही . दुसरं आपल्याकडे अजूनही बर्याच ठिकाणी राहायची सोय नसते , हॉटेल नसतात . अशा remote जागी जायचं असेल तर हे वाहन उपयोगी पडू शकते .
शहरात कामाचे नाही , traffic jam मध्ये अडकायचे . पण बघायला गेलात तर हे traffic jam साठी चांगलं आहे . अडकलं तर मागे जाऊन आडवं तरी पडता येईल . तेवढीच पाठ टेकायची । जIम clear झाला कि उठव म्हणून कोणाला तरी सांगायचं .

आम्ही एकदा मुरबाडच्या रस्त्यावर गेलो होतो . एका मळ्यात एक शेतकरी काम करताना दिसला . सहज गेलो तर बऱ्याच भाज्या होत्या , म्हटलं जरा देता का , तर त्याला एवढा आनंद झाला , त्यांना मस्त वांगी , पालक, घेवडा , दुधी खूपच भाजी दिली , विचारलं किती पैसे तर लाजला , मग म्हणाला द्या समजून , मग १०० रु दिले तर म्हणाला एवढे नाही २० द्या . बळंबळंच त्याच्या हातावर ठेवले .

आमच्या भाजीमार्केट मध्ये भाजीचे काहींच्या काही घेतले असते .

आम शेतकरी भोळसट वाटतात , त्यांना पैशाचे व्यवहार कळत नाहीत . ते आपण आणि आपली शेती यातच रमलेले असतात . त्यांच्या भोळसटपणाचा फायदा खूप जण घेतात . आणि दुसरं म्हणजे काही व्यवहार करताना कोणाला सांगत नाहीत , आणि फसले गेले कि काय करावं सुचत नाही , कोणाला विचारावं कळत नाही .

कोकणातला शेतकरी व्यवहाराला पक्का आहे , तो नुकसानीत जाणारच नाही आणि वेडावाकडा खर्च पण करणार नाही .

या निमित्ताने शेतकऱ्यांचे वैयक्तिक प्रॉब्लेम सोडवणारी आपापल्या भागानुसार कमिटी करता येईल , त्यांच्याकडे पीडित माणूस जाऊ शकेल .

शेतकऱ्यांसाठी फंड स्थापन करता येईल , लोक देईल पैसे पण त्यात लांडीलबाडी झाली परत लोकांचा विश्वास उडतो .

हे शेतकऱ्यांचे नेते शेतकरी नुकसानीत जाऊ नये म्हणून दुसरे longterm उपाय सुचवताना दिसत नाहीत .

पारंपारिक शेतकरी असल्याशिवाय शेती करता येत नाही , शेती विकत घेता येत नाही , BSC agriculture करता येतं का ? 

शेती मध्ये इन्व्हेस्ट करता येत नाही ,

बाहेरचा पैसा  आणि त्याहून मोठं आयडिया  आणि टेकनॉलॉजि येऊ देत नाहीत . नवीन विचार , बाहेरच्या जगातल्या नवीन कल्पना येऊ देत नाहीत , मग प्रगती होत नाही आणि शेतकरी नुकसानीतच जातो . 

शेतकऱ्यांकडून माल  घेणारे मधले दलाल कोण आहेत ?, ते का बोलत नाहीयेत ? ग्राहक , दलाल आणि शेतकरी अशी ही साखळी आहे , मग मधले दलाल यात नाही कसे ? नाव पण घेत नाही कुणी . 

शहरातल्या तरुणाईला पण शेतीत इंटरेस्ट असू शकतो , त्यांना येऊ दिलं नाही तर ते आपला पैसा  दुसरीकडे गुंतवतील किंवा परदेशी जातील . 

शेतकऱ्याची holding power  वाढवायची असेल तर cold storage हवेत . 

कोणी काही सांगायला गेलं कि म्हणतात तुम्ही कधी शेती केली आहे का ? तुम्हाला काय कळतंय ?

बाकी जनतेनी आता ह्या शेतकरी बंधूंच्या आयुष्यात इन्टेरेस्ट घेतला पाहिजे , ज्यांचे नातेवाईक आहेत तिकडे ये जा केली पाहिजे . प्रॉब्लेम समजून  घेऊन उपाय शोधले पाहिजेत . 

Special agricultural  consultants  आणि financial advisers हवेत . 

करायचं झालं तर खूप काही करता येईल . हे शेतकरी सतत दुःखी आणि कर्जबाजारी आणि कधीही आत्महत्या करणार असे असेल तर लोकांना पण जेवण गोड लागणार नाही . 

अन्नदाता सुखी असेल तरच जनता सुखी राहील . 

Good वाला Morning जी !!

Looking forward to the weekend !

Traffic management company :---

आपल्याकडे ट्रॅफिक मॅनॅजमेण्ट  म्हणजे लोकंच  जे काही मनाने करतील ते . आमच्याकडे तर हे चित्र नेहेमीच दिसतं . पोलीस असतात पण ते नसले कि परत तसेच . 

ज्या गाड्यातून सामान उतरवायचे असेल त्या गाड्या दुपारी १-४ या दरम्यान याव्यात . कितीतरी दुकानासमोर निवांतपणे मोठी ट्र्क उभी करून सामान उतरवत असतात , गॅसचा सिलेंडर , furniture हलवणे , वाळू , सिमेंटच्या गोणी , हे लोक रस्त्यावर उभे राहिले कि झालाच पाहिजे ट्रॅफिक जॅम . त्यांनी गर्दीच्या वेळेत येऊ नये . 

साधं रिक्षातून उतरताना , थांबल्यावर रिक्षा वाल्याला विचारणार किती झाले , मग पर्स उघडणार , मग मोठी नोट देणार , मग सुटते घेणार , एवढं होईपर्यंत मागे हे ट्राफिक . 

आधीच विचारून , तेव्हडे पैसे तयार  ठेवावे . 

आज एक बंगलोर रिटर्न माणूस भेटला होता , म्हणाला तिथले रस्ते अरुंद आणि सिटी बस सगळ्या व्होल्वो , १० फुटाचा रस्ता , ही  बस स्टॉप वर थांबली कि सगळंI  ट्रॅफिक जॅम . छोट्या मिनी बसेस हव्या.

 एवढा शिक्षणाच्या मागे धावणारा देश , प्रॅक्टिकल प्रॉब्लेम सोडवू शकत नाही ?

आता ज्या ज्या परीक्षा त्यात बहुतेक ठिकाणी मुली पुढे आहेत असे दिसते . Overall performance मध्ये पण मुलींच  पुढे आहेत . चांगले आहे . 

पण मुले मागे का आहेत ? त्यांना हा अभ्यास  आवडत नाही का ? मुलं जास्त हूड आणि दांडगी असतात , त्यांना अभ्यास  सोडून बाकी गोष्टीत इंटरेस्ट असतो . आई वडिलांना लाख वाटुदे कि पोराने अभ्यास करावा पण तो टिकून तर राहिला पाहिजे , सारखा पळून गेला तर कसे ?

मला वाटतं आजकालचं खरं जग आणि ह्यांचा अभ्यास ह्याचा काही ताळमेळ नाही . त्यांची आवड कशात आहे हे बघून शिकवावे , मग करतील . 

आजकाल मोबाईल , ते वेगवेगळे apps , hitech सिनेमे हे सगळं एकीकडे आणि तो रुक्ष अभ्यास दुसरीकडे . 

एकीकडे असे दिसते कि भाषा आणि गणितात पण गोंधळच आहे . 

मुलांच्या अंगात जाम शक्ती असते , त्यांना एकाजागी बसून राहायला पण आवडत नाही , मग अभ्यास तर दूरच , मग आपलं कसं तरी पास होऊन  जे आवडत नाही ते करत बसावं लागतं ,आणि मार्क कमी म्हणून आईवडील सतत  टेन्शन मध्ये आणि मुलाला वेडंवाकडं बोलणार . 

अशाने काही येत नसलेले उंडगे पोरं तयार होतील . पण ह्यांच्या आवडीचे काही मिळाले तर छान मार्गी लागतील 

ज्यांचा academic ओढा आहे त्यांना हा अभ्यासक्रम चांगला आहे , पण ज्यांना नाहीये त्यांना नुसतं हिडीसफिडीस करून कसं चालेल . त्यांनी आपले ठोकरे खात जगायचं हे काही बरोबर नाही . 

ते skill development होतं त्याचं काय झालं ?

वटपौर्णिमा म्हणजे शादीशुदा लोकांचा Valentine day  !!